نێچیرڤان بارزانی پەیوەندی بە سەرۆککۆماری هەڵبژێردراوی ئێران دەکات

ئاڤا نیوز 

 

سەرۆکی هەرێمی کوردستان و سەرۆککۆماری هەڵبژێردراوی ئێران بە تەلەفۆن قسەیان کرد و جەختیان لە برەودان بە پەیوەندییەکانی نێوان هەولێر و تاران کردەوە. 

 

وێنە گەورەکە: مەسعود پزیشکیان لە هەڵبژاردنی سەرۆکایەتیی کۆماری ئێران سەرکەوتنی بەدەستهێنا و بە سەرۆککۆماری ئێران هەڵبژێردرا، ئێواره‌ى ڕۆژی چوارشه‌ممه‌ 10-07-202 نێچيرڤان بارزانى، سه‌رۆكى هه‌رێمى كوردستان، له‌ په‌يوه‌ندييه‌كى ته‌له‌فۆنيدا پيرۆزبايى له‌ مه‌سعود پزيشكيان كرد و هيواى سه‌ركه‌وتنى له‌‌ ئه‌رک و به‌پرسياريه‌تييه‌كه‌ياندا بۆ خواست.

 

ڕاگەیێنراوی فەرمی: سەرۆکایەتیی هەرێمی کوردستان نێوەڕۆکی پەیوەندییە تەلەفۆنییەکەی بڵاوکردەوە و ڕایگەیاند: نێچیرڤان بارزانی، ئاماده‌يى و خواستى هه‌رێمى كوردستان و گه‌له‌كه‌ى دووپات كرده‌وه‌ بۆ بره‌ودان به‌ په‌يوه‌نديى دۆستانه‌ی له‌مێژينه‌ و هاريكاريى هاوبه‌ش له‌ هه‌موو بواره‌كاندا له‌گه‌ڵ كۆمارى ئيسلاميى ئێران له‌سه‌ر بنه‌ماى ڕێز و به‌رژه‌وه‌نديى هاوبه‌ش و دراوسێيه‌تيى باش كه‌ ببێته‌ هۆكارى به‌ره‌وپێشچوونى هه‌ردوو گه‌ل و وڵات.

زانیاریی زیاتر: نێچيرڤان بارزانى لە پەیوەندییەکەدا دڵنيايى ده‌ربڕى له‌وه‌ى كه‌ "سه‌ركردايه‌تيى سەرۆک پزيشكيان ده‌بێته‌ هۆى قووڵكردنه‌وه‌ى دۆستايه‌تيى هه‌ردوولا و وه‌ک له‌ دوا ديداردا له‌گه‌ڵ ڕابه‌ری شۆڕشی ئیسلامی و به‌رپرسانى باڵاى كۆمارى ئيسلاميى ئێران، په‌رۆشيى هه‌رێمى كوردستانى نيشان دا بۆ هاريكاريى هاوبه‌ش له‌پێناو داهاتوويه‌كى باشتر بۆ هه‌ردوو وڵات، هه‌روه‌ها بۆ ئاشتى و سه‌قامگيرى له‌ ناوچه‌كه‌دا".

 

بۆچوونی لایەنی بەرامبەر: مه‌سعود پزيشكيان، سه‌رۆكى هه‌ڵبژێردراوى كۆمارى ئيسلاميى ئێران، وێڕاى خۆشحاڵى، سوپاس و پێزانينى بۆ په‌يوه‌ندى و پيرۆزبايی نێچيرڤان بارزانى ده‌ربڕى و جه‌ختى له‌ خواستى كۆمارى ئيسلاميى ئێران بۆ بره‌ودان به‌ په‌يوه‌ندييه‌كانى له‌گه‌ڵ عێراق و هه‌رێمى كوردستاندا كرده‌وه‌، هه‌روه‌ها ئاماژه‌ى به‌ په‌يوه‌نديى دۆستانه‌ و دێرينى گه‌لانى ئێران و كۆمارى ئيسلامى له‌گه‌ڵ هه‌رێمى كوردستاندا كرد.