عێراق پێویستی بە پێنج ملیۆن یەکەی نیشتەجێبوون هەیە

ئاڤا نیوز

 

بەپێی خەملاندنی پسپۆڕانی گەشەپێدانی ئابووریی خانووبەرە، عێراق پێویستی بە نزیکەی پێنج ملیۆن یەکەی نیشتەجێبوون هەیە بۆ دەربازبوون لە قەیرانی نیشتەجێبوون کە ماوەی دەیان ساڵە لە وڵاتەکەدا هەیە.

 

وێنە گەورەکە: بەپێی داتاکانی وەزارەتی پلاندانان ژمارەی دانیشتووانی عێراق 43 ملیۆنی کەسی تێپەڕاندووە، پێداویستیی هاووڵاتیان بۆ یەکەی نیشتەجێبوون زیاتر بووە و قەیرانی نیشتەجێبوونیش تاوەکو دێت زیاتر پەرەدەسێنێت.

 

لێدوانی فەرمی: د. عەقیل جەبر محەممەداوی، توێژەر لە کاروباری پەرەپێدان و دارایی کەرتی تایبەت ئەوەی بە میدیای عێراق گوتووە: بەغدای پایتەخت بەراورد بە ڕێژەی دانیشتووان، بە ڕێژەی 31% لە لوتکەی ڕیزبەندی پێوەرەکانی کورتهێنان لە یەکەکانی نیشتەجێبوون دێت.

 

چارەسەرەکان: بە بڕوای ئەو توێژەرە: پێویستە کاری هەرە لەپێشینەی حکومەت ئاڵنگارییەکانی کورتهێنانی خانووبەرە بێت، هاوکات ئاڵنگارییەکانی کەرتی نیشتەجێبوون و بیناسازی بە گشتی ڕۆشنایی خستووەتە سەر گرنگیی هەڵسەنگاندنی پلانە ستراتیژییەکانی نیشتەجێبوون لە حکومەتە یەک لە دوای یەکەکاندا تاوەکو تەمەنی ئەم حکومەتە.