باڵیۆزی بەریتانیا لە به‌غدا : له‌عێراق هەڵەی گه‌وره‌مان كردووە

ئاڤا نیوز

باڵیۆزی بەریتانیا لە عێراق دانی بەوەدانا وڵاتەکەی هەڵەی گه‌وره‌ی لە عێراق كردووە و نایه‌‌وێت دووباره‌ی بكاته‌وه‌.

لێدوانی فەرمی: ستیڤن هیچن، باڵیۆزی بەریتانیا لە عێراق ڕایگەیاند: لە ساڵی 2003ەوە ئێمە و ئەمریکیەکان تەنیا سه‌رقاڵی دۆسیه‌ی سه‌ربازین له‌عێراق، بەڵام ئێستا دەبێت سەرنجمان لەسەر بابه‌تی وەبەرهێنان و بازرگانی بێت.

ئەوەی پێویستە بیزانیت: ئێستا بەریتانیا سەرقاڵی لێکۆڵینەوەیە بۆ جێبەجێکردنی چه‌ند پڕۆژەیەكی وەبەرهێنان لە باشووری عێراق.

وێنە گەورەكە: لە ساڵی 2003 بەریتانیا له‌چوارچێوه‌ی هێزەکانی هاوپەیمانی نێودەوڵەتی بەشداری لە ڕووخاندنی ڕژێمی سەدام کرد.