وەزیری دەرەوەی عێراق هاتنی سه‌ركرده‌كانی حه‌ماس بۆ عێراق ڕەتدەکاتەوە

ئاڤا نیوز

 

فوئاد حوسێن، وەزیری دەرەوەی عێراق هاتنی سه‌ركرده‌كانی بزووتنەوەی حه‌ماسی بۆ عێراق ڕەتدەکاتەوە.

 

وێنە گەورەكە: ئێستا نووسینگەی سیاسیی حەماس لە قەتەرە، بەڵام قەتەر وەك گوشارێک بۆ سەر حەماس بۆ ڕازیبوون بە پڕۆژەكانی ئاگربەست هەڕەشەی دەركردنی حەماسی لەو وڵاتە كردووە. 

 

لێدوانی فه‌رمی: فوئاد حوسێن، وەزیری دەرەوەی عێراق لەبارەی ئەو هەواڵانەی کە باس له‌ پلانێكی سەرکردەکانی بزووتنەوەی حەماس دەکەن كه‌ باره‌گاكانیان له‌ قەتەره‌وه‌ دەگوازنەوە عێراق گوتی: هیچ بڕیارێکی فەرمی نییە.

 

گۆشه‌یه‌كی دیكه‌: فوئاد حسێن ئەوەشی ئاشکرا کرد، بەم نزیکانە کۆبوونەوەیەک لە بەغدا بەڕێوەدەچێت، کە بەرپرسانی سووریا و تورکیا لەخۆ دەگرێت، بۆ تاوتوێکردنی قەیرانی سووریا، بۆ ئه‌و مه‌به‌سته‌ ڕۆژی چوارشەممەی ڕابردوو لەگەڵ هاکان فیدان لە واشنتن کۆبووەته‌وە بەمەبەستی ڕێکخستنی ئه‌و دیداره‌.