بازاڕێکی نوێی پێشكەوتوو لە هەولێر دەکرێتەوە

ئاڤا نیوز

بڕیار وایە لەماوەیەکی نزیکدا، بازاڕی سپی لە شەقامی 120 مەتری هەولێر بکرێتەوە، بڕیاریشە دووکاندارانی بازاڕی سیم لە گەڕەکی کوردستان بەیەکجاری بیگوازنەوە بۆ ئەو بازاڕە.

وێنە گەورەکە: نەخشە و دیزاینی بازاڕەکە بەشێوازێکی سەردەمیانە دروست دەکرێت و شاری هەولێر دەبێتە خاوەن بازاڕێکی دیکەی پێشکەوتوو.

لێدوانی فەرمی: کارزان عەبدولهادی، سەرۆکی شارەوانی هەولێر بۆ ئاڤا نیوز گوتی: دوو ساڵ لەمەوبەر دوای ئەوەی بازاڕی سیم لە گەڕەکی کوردستان ئاگری گرت، سەرۆکوەزیران بازرانی بڕیاریدا بازاڕێکی نوێیان بۆ دروست بکرێت، هەموو خاوەن دووکانێک و ئەوانەشی کرێچین دوکانێکیان پێ دەدرێت.

زانیاریی زیاتر: بازاڕی سیم لە گەڕەکی کوردستان چۆڵ دەکرێت، ئەمەش لەبەرئەوەی ئەو بازاڕە دەکەوێتە ژێر پاڵەپەستۆی تاوەرەکانی کارەبا و مەترسی زۆری لەسەرە. کارزان عەبدولهادی وای گوت.

ئەوەی پێویستە بیزانیت: بازاڕەکە دەکەوێتە سەر شەقامی 120 مەتری هەولێر زیاتر لە 700 دووکان دەبێت، 14 ملیار و 412 ملیۆن و 731 هەزار تێچووەکەی بووە، چێشتخانە، پارکی وەستاندنی ئۆتۆمبێلی لێیە.

باکگراوند: ڕۆژی 24-7-2022 بازاڕی سیم لە گەڕەکی کورستان ئاگری گرت و نزیکەی 200 دوکان سووتان.