ڕێبەر ئەحمەد: خاڵی هاوبەش لەنێوان قەتەر و هەرێمی کوردستان هەیە

ئاڤا نیوز 

وەزیری ناوخۆی هەرێمی کوردستان ڕایگەیاند، قەتەر بەو سەختیانە تێپەڕیوە کە ڕووبە ڕووی هەرێمی کوردستان بووەتەوە، بۆیە خاڵی هاوبەشمان هەیە.

وێنە گەورەکە: ئەمڕۆ 13-7-2024،  (ئۆفیسی دەستپێشخەری و پەیوەندییەکان - OIC)، بڕوانامەی بەشداریکردن بەخشییە چوار هەزار و 200 گەنجی نێوخۆ و دەرەوە، کە لە خولێکی شەش مانگە بەشدار بوون، هاوکات یاداشتێکی لێکتێگەیشتن لەگەڵ  (قەتەر فاوەندەیشن) واژۆ کرا.

لێدوانی فەرمی: ڕێبەر ئەحمەد، وەزیری ناوخۆی هەرێمی كوردستان ڕایگەیاند: لەسەرەتای کابینەی نۆ بابەتی پشتیوانی گەنجان و گەشەپێدان بە تواناکانیان یەکێک بووە لە کارە لەپێشینەکان بە کردار ئەوەمان سەلماندووە، سەرەڕای ساڵانی قەیراناوی کارکردنمان، لە پشتیوانی گەنجان بە پرۆژەی دارایشەوە درێغیمان نەکردووە.

زانیاریی زیاتر: "داهاتووی ئەم نیشتمانە لە دەستی ئێوەیە و دەبێت بەشداری کارابن لە دروستکردنی ژێرخانی ئابووری و سیاسی کوردستانێکی بەهێزتر، هەرگیز ڕێگەنەدەن بێ ئومێد بکرێن و سەرکەوتنەکان نادیدە بگرن". ڕێبەر ئەحمەد وای گوت.

 

 ئەوەی پێویستە بیزانیت: بە گوتەی وەزیری ناوخۆی هەرێمی كوردستان، ساڵانە نزیکەی 100 هەزار ڤیزا بە دەستی کاری بیانی دەدەن، بۆیە "هیچ بیانوویەک نییە تا بڵێین هەلی کار لە وڵاتی خۆمان نییە".