ئۆكراینا 11 درۆنی ڕووسیا  دەخاتە خوارەوە

ئاڤا دیجیتاڵ

ئۆكراینا بەرپەرچی هێرشێكی فراوانی ڕووسیا دەداتەوە و 11 درۆن دەخاتە خوارەوە. داواش لە وڵاتانی ڕۆژئاوا دەكات یارمەتیی سەربازیی زیاتر پێشكەش بكەن. 

وێنە گەورەكە: شەڕی ڕووسیا و ئۆكراینا بەردەوامە. ئەو درۆنانەی كە ئۆكراینا خستوونیەتە خوارەوە دروستكراوی ئێرانن و دەبنە بەڵگە لەسەر ئەوەی ئێران درۆن دەداتە ڕووسیا تا لە شەڕدا لە دژی ئۆكراینا بەكاریان بهێنێت. 

ڕاگەیێنراوی فەرمی: لە بەیاننامەیەكدا، هێزە ئاسمانییەكانی ئۆكراینا بڵاویان كردەوە، سیستەمی بەرپەرچدانەوەی ئاسمانیی ئۆكراینا توانیوەیەتی 11 درۆن لە كۆی 17 درۆن كە ڕووسیا ئاراستەی ئۆكراینای كردبوون، بخەنە خوارەوە. درۆنەكان لە جۆری شاهید و دروستكراوی ئێران بوون.

لەلایەكی دیكەوە: وەزارەتی بەرگریی ڕووسیا ڕایگەیاند، هێرشەكەیان بە درۆن و مووشەك ئەنجام داوە، دامەزراوە سەربازییەكانی ئۆكراینایان كردووەتە ئامانج و سەرجەمیان ئامانجەكانیان پێكاوە.

زانیاریی زیاتر: بەهۆی هێرشەكەی ڕووسیاوە 20 خانوو و باڵەخانەیەكی بازرگانی لە شاری میكۆلایف كراونەتە ئامانج و بە هۆیەوە چوار كەس كوژراون. 

باكگراوند: ئۆكراینا داوای لە یەكێتیی ئەوروپا كردووە هەنگاوی پێویست بۆ بەهێزكردنی بەرەی بەرگریی و ڕووبەڕووبوونەوەی ڕووسیا بگرێتە بەر، پێداویستیی سەربازیی زیاتر بە تایبەتش گوللەی تۆپ ڕەوانەی ئەو وڵاتە بكات.