نێچیرڤان بارزانی: بیرم لای سەرۆک ترەمپە

ئاڤا نیوز

سەرۆکی هەرێمی کوردستان پەیامێکی هاوسۆزی ئاراستەی دۆناڵد ترەمپ دەکات و تێیدا بەکاربردنی تووندوتیژی سەرکۆنە دەکات.

پەیامی فەرمی: نێچیرڤان بارزانی، سەرۆکی هەرێمی کوردستان، لە پەیامێکدا لە تۆڕی کۆمەڵایەتیی ئێکس نووسیویەتی "بەقووڵی نیگەرانم لە هەوڵی کوشتنی سەرۆکی پێشوو دۆناڵد ترەمپ. بەکاربردنی تووندوتیژی لە چارەسەرکردنی ناکۆکییە سیاسییەکان سەرکۆنە دەکەم".

زانیاریی زیاتر: نێچیرڤان بارزانی جەخت دەکاتەوە، "نابێت تووندوتیژی لە سیاسەتی ئەمڕۆماندا هیچ شوێنێکی هەبێت. بیرم لای سەرۆک ترەمپ، خێزانەکەی و هەموو قوربانیانی ئەم هێرشەیە."

ئەوەی پێویستە بیزانیت: هەوڵی کوشتنی ترەمپ لەلایەن گەنجێکی 20 ساڵ، کاردانەوەی فراوانی بەدوای خۆیدا هێنا و لەسەر ئاستی جیهان سەرکۆنە کرا.