سەرۆکوەزیران بارزانی: داعش هێشتا هەڕەشە و مەترسییە

ئاڤا نیوز

سەرۆکوەزیران بارزانی پرسەنامەیەک ئاراستەی بنەماڵە و کەسوکاری شەهید جوامێر عەزیر ڕەشید دەکات و ڕایدەگەیێنێ، داعش هێشتا مایەی هەڕەشە و مەترسییە.

چیرۆکی سەرەکی: ئەمڕۆ یەکشەممە دوو چەکداری داعش لە ناحیەی قەرەهەنجیری سنووری کەرکووک لەگەڵ هێزەکانی ئاسایش ڕووبەڕووبوونەوە، بەهۆیەوە چەکدارێک کوژرا و یەکی دیکەش بریندار بوو، هاوکات کارمەندێکی ئاسایش بە ناوی جوامێر عەزیز ڕەشید شەهیدبوو و کارمەندێکی دیکەش بریندار بوو.

ڕاگەیێنراوی فەرمی: سەرۆکوەزیران بارزانی پرسە و سەرەخۆشی و هاوخەمیی قووڵ بۆ بنەماڵە و کەسوکاری شەهید جوامێر  دەکات و هیوای چاکبوونەوەی خێراش بۆ بریندارەکە دەخوازێت.

لەلایەکی دیکەوە: بە ئاماژەکردن بەوەی ئەم هێرشەی داعش دووپاتی دەکاتەوە کە ئەم ڕێکخراوە هێشتا مایەی هەڕەشە و مەترسییە، سەرۆکوەزیران بارزانی بەپێویستی دەزانێت "کۆمەڵگەی نێودەوڵەتی بەردەوام بێت لە هاوکاریکردنی عێراق و هەرێمی کوردستان بۆ ڕووبەڕووبوونەوەی تیرۆریستان".