هەوڵی کوشتنی ترەمپ بەهای بیتکۆین بۆ سەرووی 60 هەزار دۆلار بەرزدەکاتەوە

ئاڤا نیوز

 

دوای هەوڵی کۆشتنی دۆناڵد ترەمپ، کاندیدی سەرۆکایەتی ئەمریکا، بەهای دراوی ئەلیکترۆنی بیتکۆین بۆ زیاتر لە 60 هەزار دۆلار بەرزبووەوە. 

 

ئەوەی ئێستا ڕوودەدات: بەهای دراوی بیتکۆین لە مامەڵەکانی ئەمڕۆیدا بە ڕێژەی 2.7% بۆ 61 هەزار و 160 دۆلار و 71 سەنت بەرزبووەوە، لەکاتێکدا لە مامەڵەکانی چەند رۆژی ڕابردوویدا سەقامگیربوو.

 

لەلایەکی دیکەوە: وەبەرهێنەران گەشبینن بەوەی خواستی بەردەوام لەسەر ئەو جۆرە دراوە ئەلیکترۆنییە جووڵە خێراکانی کەم دەکاتەوە.

 

ئەوەی پێویستە بیزانیت: دۆناڵد ترەمپ سەرۆکی پێشووی ئەمریکا خۆی بە پاڵپشتی دراوە ئەلیکترۆنییەکان دەزانێت، بۆیە ڕووداوی تەقەکردنەکە ڕاستەوخۆ کاریگەری لەسەر جووڵەی دراوە ئەلیکترۆنییەکان هەبوو.