سەدر ئامادەکاری بۆ گەڕانەوە بۆ نێو پرۆسەی سیاسی دەکات

ئاڤا نیوز 

 

دوای دیدار و کۆبوونەوە ڕانەگەیێنراوەکانی نێوان ڕێبەری ڕەوتی نیشتمانیی شیعە و لەگەڵ لایەنە سیاسییەکان  لە حەنانە و بەغدا، ڕەوتەکە ئامادەکارییەکانی تەواو کردووە بۆ گەڕانەوە بۆ پرۆسەی سیاسیی و هەڵبژاردن.

 

وێنە گەورەکە: لە ناوەڕاستی حوزەیرانی 2022 لەسەر داوای موقتەدا سەدر هەر 73 پەرلەمانتارەکەیان نامەی دەستلەکارکێشانەوەیان پێشکەش بە سەرۆکی ئەوکاتی پەرلەمان کرد و دوای چەند ڕۆژێکیش سەدر کشانەوەی خۆی لە پرۆسەی سیاسیی عێراق راگەیاند.

 

زانیاریی بەدەستهاتوو: سەرچاوەیەکی نزیک لە سەدر بۆ میدیای عێراقی ئەوەی ئاشکرا کردووە "نزیکەی دوو مانگە کۆبوونەوە و دیدارە سیاسییەکانی نێوان سەرکردایەتیی ڕەوتی سەدر و ئەوانەی بەرپرسن لە دۆسیەی سیاسی و هەڵبژاردن بەردەوامە و چەندین کۆبوونەوە بە شێوەی ڕانەگەیێنراو لە نەجەف و بەغدا کراون."

 

زانیاریی زیاتر: سەدر و ڕەوتەکەی هەموو ئامادەکارییەکانیان لە پێناو گەڕانەوەیان بۆ نێو پرۆسەی سیاسی و هەڵبژاردن تەواو کردووە، گەڕانەوەکەش بەشێوەی قۆناغ بە قۆناغ دەبێت و سەرەتا لەلایەن ساڵح محەممەد عێراقی وەزیری سەدرەوە پشتیوانی دەکرێت و دواتر خودی سەدر".

 

باکگراوند: دوایین هەڵبژاردنی پەرلەمانی عێراق ساڵی 2021 کرا و هەڵبژاردنی داهاتووش بڕیارە لە ساڵی 2025 بکرێت.