نەبوونی کارەبا و چلەی ئیمام حوسێن عێراقییەکانی هێناوەتە سەر شەقام

ئاڤا نیوز

 

هاوشان لەگەڵ بەڕێوەچوونی ڕێوڕەسمەکانی چله‌ی ماته‌مینی ئیمام حوسێن و عاشورا، لە بەشێک لە پارێزگاکانی عێراق بەهۆی پچڕانی بەردەوامی کارەبا خۆپێشاندانە و هاووڵاتیان ڕژاونەتە سەر شەقامەکان.

 

وێنە گەورەکە: سەرەڕای بەرزبوونەوەی پلەکانی گەرما بۆ سەرووی 50 پلەی سیلیزی، کاتژمێرەکانی پێدانی کارەبای نیشتمانی لە بەشێک لە شارەکانی عێراق بۆ 10 تاوەکو 11 کاتژمێر کەم بووەتەوە و کارەبا بەشێوەی پچڕپچڕ دەدرێت. 

 

لەلایەکی دیکەوە: لە بەشێک لە پارێزگا شیعە مەزهەبەکانی عێراق ڕێوڕەسمی چله‌ی ماته‌مینی ئیمام حوسێن و عاشورا بەڕێوە دەچێت، لە بەشێک لەو پارێزگایانە ڕۆژانی سێشەممە و چوارشەممە و پێنجشەممەی داهاتوو کراوەتە‌ پشووی فەرمی.

 

ئەوەی ئێستا ڕوودەدات: وەک ناڕەزایەتییەک لە بەرامبەر نەبوونی کارەبا و پچڕانی بەردەوامی کارەبا، بە دەیان خۆپێشاندەر لە پارێزگاکانی دیوانییە و نەجەف و چەند شوێنێکی دیکە ڕژاونەتە سەر شەقامەکان و لە ناوەڕاستی شەقامەکان ئاگریان کردووەتەوە.

 

زانیاریی زیاتر: لە قەزای شامییە لە پارێزگای دیوانییە بەهۆی پچڕانی بەردەوامی ئاو و کارەبا و خراپیی خزمەتگوزارییەکان خۆپێشاندانە، هاوکات لە ناحیەی حەیدەری لە پارێزگای نەجەف بەهۆی نەبوونی کارەبا خۆپێشاندەران هەوڵیاندا هەڵبکووتنە سەر فەرمانگەی کارەبای شارەکە.