چوارچێوەی هەماهەنگی دوایین دەرفەت بە سوننە دەدات بۆ ده‌ستنیشانكردنی سەرۆکی پەرلەمان

ئاڤا نیوز

 

چوارچێوەی هەماهەنگی ڕۆژی 20ـی ئەم مانگەی وەک دوایین وادە دیاری کرد بۆ لایه‌نه‌ سوننه‌كان تاوەکو ڕێکبکە‌ون له‌سه‌ر کاندێدکی هاوبه‌ش بۆ سەرۆکایه‌تیی پەرلەمانی عێراق.

 

وێنە گەورەکە: نزیکەی هه‌شت مانگە پۆستی سەرۆکی پەرلەمان کە پشکی پێکهاتەی سوننەیە بە چۆڵی ماوەتەوە، و بەهۆیەوە ‌هێزە سوننەکان دابەش بوونە بۆ چەند بەرەیەک و کاریگەری کردووەتەوە سەر هاوپەیمانێتییەکان.

 

لێدوانی فەرمی: عائید هیلالی، سەركرده‌ له‌ چوارچێوەی هه‌ماهه‌نگی ڕایگەیاند: لە ئەگەری ڕێکنەکەوتنی لایه‌نه‌ سوننەکان لەنێوان خۆیاندا، لە یەکەم خولی یاساداناندا دانیشتنێک بۆ هەڵبژاردنی سەرۆکی په‌رله‌مان دەکرێت و بابەتەکە بۆ نوێنەران جێدەهێڵرێت، هەر کاندیدێک زۆرینه‌ی دەنگی بەدەستهێنا ده‌بێته‌ سەرۆکی نوێی په‌رله‌مان.