ڕێگەیەکی بازرگانی لە هەولێر نۆژەن دەکرێتەوە

ئاڤا نیوز

 

جێگری پارێزگاری هەولێر ڕایدەگەیێنێت، نۆژەنکردنەوەی ڕێگەی هەولێر - گوێر لە پلانی ساڵی 2024 دا هەیە، بەڵام پلانەکە جێبەجێ نەکراوە، ئومێدمان هەیە بتوانین بودجەیەکی بۆ تەرخان بکەین.

 

لێدوانی فەرمی: مەسعود کاڕەش، جێگری پارێزگاری هەولێر بە ئاڤا نیوزی گوت: ئومێدمان هەبوو بەغدا ئەمساڵ بودجەی پەرەپێدانی پارێزگاکان ڕەوانەی بکات، داوای 130 ملیار دینارمان بۆ پرۆژەکان کردووە، یەکێک لە پرۆژەکانیش نۆژەنکردنەوەی ئەو ڕێگەیەیە.

 

خاڵی ئەرێنی: جێگری پارێزگاری هەولێر ئەوەشی گوت، ئەگەر بەغدا پارەکە نەنێرێت، خۆیان لە بری بەغدا بودجەیەک بۆ نۆژەنکردنەوەی ڕێگەکە تەرخان دەکەن.

 

زانیاریی زیاتر: ڕێگەی هەولێر - گوێر، ڕێگەیەکی بازرگانییە و هاتوچۆی زۆری لەسەرە، بە یەکێک لە ڕێگە سەرەکییەکانی هەولێر دادەنرێت.