وەزیری ئاوەدانکردنەوە: لەم کابینەیە زیاتر لە 240 پرۆژەی ڕێگەوبان جێبەجێ کراون

ئاڤا نیوز

 

وەزیری ئاوەدانكردنەوە ڕایدەگەیێنێت، ئەم کابینەیە زیاتر لە 240 پرۆژەی ڕێگەوبانی جێبەجێ کردووە.

 

لێدوانی فەرمی: دانا عەبدولكەریم، وەزیری ئاوەدانكردنەوەی هەرێمی کوردستان بە ئاڤا نیوزی گوت: لە پلانی چوار ساڵەی کابینەی نۆیەم پلانمان دانابوو سەرجەم ڕێگە دوو سایدەکان تەواو بکەین، بەڵام بەداخەوە بەهۆی قەیرانی داراییەوە نەمانتوانی بەشێکی جیبەجێ بکەین.

 

ژمارەکان وادەڵێن: لە کابینەی نۆیەم بە گوژمەی زیاتر لە 900 ملیار دینار، زیاتر لە 240 پرۆژەی ڕێگەوبان جیبەجێ کراون لەو پرۆژانە زیاتر لە هەزار و 300 کیلۆمەتر ڕێگە دروست کراوە، ڕێگەی زیاتر لە 200 گوندیش قیرتاو کراون.