لە دژی دابەشکردنی پۆستەکانی نەینەوا پارتی سکاڵا تۆمار دەکات

ئاڤا نیوز

 

پارتی لە دادگەی ئیداری بەغدا سکاڵای لەسەر دابەشکردنی پۆستەکانی نەینەوا تۆمار کرد و چاوەڕێی بڕیاری دادگایە بۆ یەکلاکردنەوەی کێشەکە.

 

وێنە گەورەکە: لە کۆبوونەوەی ڕۆژی 02-07-2024ـی ئەنجوومەنی پارێزگای نەینەوا، یەکێتی و حەشدی شەعبی و لایەنەکانی نزیکیان بە زۆرینە پۆستی یەکە ئیدارییەکانی سنووری نەینەوایان لەنێوان خۆیان دابەش کرد، ئەمەش ناڕەزایەتیی پارتی و هاوپەیمانیی نەینەوا لیئەهلیهای لێکەوتەوە.

 

لێدوانی فەرمی: ئەحمەد کیکی، سەرۆکی فراکسیۆنی پارتی لە ئەنجوومەنی پارێزگای نەینەوا بە ئاڤا نیوزی ڕاگەیاند، بۆ هەڵوەشاندنەوەی بڕیارەکانی پێشوو، ئەمڕۆ لە دادگەی ئیداری بەغدا سکاڵایان لەسەر سەرۆکایەتیی ئەنجوومەنی پارێزگای نەینەوا تۆمار کرد و چاوەڕێی دیاریکردنی ڕۆژی بەڕێوەچوونی پرۆسەکە دەکەن.

 

ئەمەش بزانە: فراکسیۆنی پارتی لە ئەنجوومەنەکە، بایکۆتی دانیشتنەکانی کردووە و ئامادە نییە بگەڕێتەوە و دەڵێت، داوای لابردنی سەرۆکی ئەنجوومەنی پارێزگا و جێگرەکەشی کردووە چونکە ئەو هەنگاوانە پێچەوانەی یاسا بوو.