لە دێرەلوك نەخۆشانەیەكی 100 قەرەوێڵەیی دروست دەكرێت

ئاڤا دیجیتاڵ

کارەکانی نەخۆشخانەی 100 قەروێڵەیی لە ناحیەی دێرەلوکی سەر بە قەزای ئامێدی لە پارێزگای دهۆک لە قۆناغەکانی کۆتایيدایە، کە تەواوی خەڵکی ئامێدی و ناوچەی بارزان سوودی لێ وەردەگرن.

وێنە گەورەکە: یەکێک لە پرۆژە گرنگەکانی حکومەتی هەرێـمی کوردستان لە قەزای ئامێدی نەخۆشخانەی 100 قەرەوێڵەییە، نەخۆشخانەکە لە ناحیەی دێرەلوک دروست دەکرێت و لەلایەن سەرۆکوەزیران بارزانیەوە بەردی بناغەکەی بە گوژمەی 43 ملیۆن دۆلار بۆ دانراوە.

لێدوانی فەرمی: عادل شموئیل، یەکێکە لە ئەندازیارانی دروستکردنی نەخۆشخانەکە بە ئاڤا نیوزی گوت: ئێستا کارکردن لە نەخۆشخانەکەدا بەردەوامە و 80٪ ی پڕۆژەکە تەواو بووە. 

بۆچی گرنگە:  دوا تەواوبوونی نەخۆشخانەکە تەواوی خەڵکی ئامێدی تاوەکو ناوچەی بارزان سوودی لێ وەردەگرن، دەبێتە پاڵپشتییەکی باشی کەرتی تەندروستی لە قەزای ئامێدی کە ئێستا دوو نەخۆشخانەی گشتی و 27 بنکەی تەندروستی هەیە.

باکگراوند: لە ئەیلولی ساڵی 2020، لە کابینەی نۆیەمی حکومەتی هەرێمی کوردستان بەردی بناغەی نەخۆشخانەی 100 قەرەوێڵەیی ناحیەی دێرەلوک دانرا، بڕیاربوو لە ئەیلولی 2023 بکرێتەوە، بەڵام لەبەر سەرهەڵدانی نەخۆشی کۆرۆنا و تێکچوونی کەشوهەوا کارکردن تێیدا وەستابوو.