320  ھەزار ھاونیشتمانی لە داشکانی قەرزی ئاو سوودمەند بوون

ئاڤا نیوز

بە مەبەستی کەمکردنەوەی بەشێکی کاریگەرییەکانی قەیرانی دارایی لە سەر ھاووڵاتیانی ھەرێمی کوردستان، لێخۆشبوون بۆ قەرزی ئاو  لە 15% بۆ 20% بەرزکرایەوە.

وێنە گەورەکە: لە هەرێمی کوردستان یەک ملیۆن و 200 ھەزار ھاوبەشی ئاو ھەیە، بەھەموو جۆرەکانیەوە،  پێشتر  15% داشكاندن كراوە، ئێستا داشکاندنی زیاتری بۆ کراوە و بووەتە 20% و تا ئێستاش 320 ھەزار ھاونیشتمانی لە داشکاندنی قەرزی ئاو سوودمەند بوون.

لێدوانی فەرمی: ئاری ئەحمەد، بەڕێوەبەری گشتیی ئاوی ھەرێمی کوردستان بە ئاڤا نیوزی ڕاگەیاند: لەسەر فەرمانی سەرۆکوەزیران بارزانی، داشکاندن یان لێخوشبوون بۆ قەرزی کرێی ئاو بەردەوامە ئێستا ڕێژەی لێخۆشبوون لە 15% بۆ 20% بەرزکراوەتەوە.

زانیاریی زیاتر: دڵنیاین ژمارەیەکی زۆری ھاووڵاتییان لە بڕیاری سەرۆکوەزیران بارزانی سوودمەند دەبن و داواش لەو ھاووڵاتیانە دەکەین کە قەرزی کرێی ئاویان لایە سەردانی فەرمانگەکانی ئاو بکەن، بۆ ئەوەی لە بڕیارەکەی حکومەت سوودمەندبن. ئاری ئەحمەد وادەڵێت.