بافڵ تاڵەبانی وەڵامی بنەماڵەی عەتا سەراوی ناداتەوە

ئاڤا نیوز

 

کوڕێکی عەتا سەراوی ڕایدەگەیێنێت، بە فەرمانی بافڵ تاڵەبانی، باوکم لە ئاسایش ڕاگیراوە و ئامێری پەیوەندیکردنیشیان لێ سەندووە.

 

وێنە گەورەکە: ڕۆژی 5-7-2024، عەتا سەراوی، ئەندامی پێشووی سەرکردایەتیی یەکێتی لەلایەن ئاسایشیەوە لەنێو فڕۆکەخانەی نێودەوڵەتیی سلێمانی دەستگیر کرا، بنەماڵەکەی لە کۆنگرەیەکی ڕۆژنامەوانییدا ناڕەزایەتیان دەربڕی.

 

لێدوانی فەرمی: پێشڕەو عەتا سەراوی بە ئاڤا نیوزی گوت: کاکەم مۆبایلی پێ نییە و بە فەرمانی بافڵ تاڵەبانی لە ئاسایش ڕاگیراوە، بۆ ئازادکردنی چاوەڕوانی فەرمانی ئەوین.

 

زانیاریی زیاتر: ئەو کوڕەی عەتا سەراوی ئەوەشی گوت، چاوەڕوانی نووسینگەکەی بافڵ تاڵەبانین وەڵاممان بداتەوە تاوەکو خۆی ببینم و لەوبارەیەوە قسەی لەگەڵ بکەم.