ئاسایش تۆڕێكی بازرگانیی ماددەی هۆشبەر هەڵدەوەشێنێتەوە

ئاڤا دیجیتاڵ

دەزگای ئاسایشی هەرێمی کوردستان لە ناحیەی تەکیە ڕووبەڕووی بازرگانێکی ماددەی هۆشبەر دەبنەوە، بازرگانەکە ڕووبەڕوویان دەبێتەوە و دواتر بە برینداری دەستگیر دەکرێت، ئەو بازرگانەی دەستگیرکراوە دواین ئەندامی باندێک بووە کە دەستگیرکراوە.

ڕاگەیێنراوی فەرمی: دەزگای ئاسایشی هەرێمی کوردستان ڕایگەیاند "ئێوارەی  8-2-2024 لە (ناحیەی تەکیە) بەفەرمانی دادوەری لێکۆڵینەوە، هێزەکانی ئاسایش هەوڵی دەستگیرکردنی بازرگانێکی ماددەی هۆشبەریاندا، لەئەنجامدا تۆمەتبار بەچەک ڕووبەڕووی هێزەکانمان بووەوە، سەرئەنجام توانرا بە برینداری دەستگیربکرێت و بڕی دوو گیلۆگرام ماددەی کریستاڵ دەستی بەسەردابگیرێت. 

"ئۆپەراسیۆنەکە لە چوارچێوەی دەستگیرکردنی سەرجەم ئەندامانی ئەو باندە بازرگانەبوون، کە ئەمڕۆ دواین تۆمەتباریان بە برینداری لەلایەن بەڕێوەبەرایەتی نەهێشتنی ماددە هۆشبەرەکان و بەهەماهەنگی بەڕێوەبەرایەتی ئاسایشی ڕۆژئاوا دەستگیرکرا".دەزگای ئاسایشی هەرێم ئەمەی ڕاگەیاندووە.