پەرلەمانی عێراق پێدانی پاسپۆرتی دیپلۆماسی بە یاسا دەکات

ئاڤا نیوز

 

پەرلەمانی عێراق یاسای پاسپۆرت هەمواردەکاتەوە و ماددەی پێدانی پاسپۆرتی دیپلۆماسی زیاد دەکات کە بەرپرسانی باڵای هەرێمی کوردستانیش دەگرێتەوە.

 

وێنە گەورەکە: بڕیارە 20ـی ئەم مانگە پەرلەمانی عێراق کۆببێتەوە و یەکێک لە بڕگەکان خوێندنەوەی دووەمی هەمواری یاسای پاسپۆرت دەبێت کە ماددەی پێدانی پاسپۆرتی دیپلۆماسیی بۆ زیاد دەکرێت.

 

لێدوانی فەرمی: سەگڤان یوسف سندی، جێگری سەرۆکی لیژنەی بەرگری و ئاسایشی پەرلەمانی عێراق بە ئاڤا نیوزی ڕاگەیاند، "هەمواری یاساکە ماددەیەکی تێدایە باس لە پێدانی پاسپۆرتی دیپلۆماسی بە بەرپرسانی باڵای عێراق و هەرێمی کوردستان دەکات".

 

زانیاریی زیاتر: ئەو پۆستانەی پاسپۆرتی دیپلۆماسییان پێدەدرێت بریتیین لە، سەرۆککۆماری عێراق و سەرۆکی هەرێمی کوردستان، سەرۆکوەزیرانی هەرێمی کوردستان و عێراق لەگەڵ جێگرەکانیان و سەرجەم وەزیرەکانی ئێستا و پێشوو.