دۆسیەی ئەمنیی فەللوجە ڕادەستی وەزارەتی ناوخۆ دەکرێتەوە

ئاڤا نیوز 

 

وەزارەتی ناوخۆی عێراق بەردەوامە لە وەرگرتنەوەی دۆسیەی ئەمنیی پارێزگاکان و بڕیارە تاوەکو کۆتایی ئەمساڵ دۆسیەی ئەمنی چەند پارێزگایەک وەربگرێتەوە.

 

وێنە گەورەکە: دوای تێکشکاندنی داعش و کۆنترۆڵکردنەوەی شارەکان لەلایەن سوپاوە، دۆسیەی ئەمنی چەند پارێزگایەک کەوتە دەست سوپا، سەرۆکوەزیرانی عێراقیش بڕیاری داوە دۆسیەی ئەمنیی ئەو پارێزگایانە بگەڕێنرێتەوە بۆ وەزارەتی ناوخۆ.

 

ڕاگەیێنراوی فەرمی: نووسینگەی وەزارەتی ناوخۆی عێراق ڕایگەیاند: عەبدولئەمیر شەممەری، وەزیری ناوخۆ بە سەرۆکایەتیی شاندێک گەیشتە بەڕێوەبەرایەتیی پۆلیسی فەللوجە و پێشوازییان لە پارێزگاری ئەنبار کرد بە مەبەستی ئامادەکارییەکان و دەستبەکاربوون بۆ وەرگرتنەوەی دۆسیەی ئەمنیی شارەکە.

 

ئەوەی پێویستە بیزانیت: لە دوای ڕووداوەکانی 16ـی ئۆکتۆبەری 2017 هێشتا دۆسیەی ئەمنیی کەرکووک بەدەست سوپای عێراقەوەیە، بڕیارە لە کۆتایی ئەمساڵ دۆسیەی ئەمنیی پارێزگاکە ڕادەستی پۆلیسی خۆجێیی بکرێتەوە.