20 بەربژێری پێکهاتەکان کێبڕکێی بەدەستهێنانی دوو کورسی دەکەن

ئاڤا نیوز 

 

49 بەربژێری سەربەخۆ لە بازنەی هەولێر خۆیان بۆ پەرلەمانی کوردستان بەربژێر کردووە و 20ـیان لەنێو پێکهاتەکانن.

 

وێنە گەورەکە: لە کۆی 100 کورسیی پەرلەمان 5 کورسی کە بۆ پێکهاتەکان تەرخان کراوە و بازنەی هەولێر دوو کورسی بەرکەوتووە، کورسییەک بۆ مەسیحی و کورسییەکی تورکمان.

 

لێدوانی فەرمی: مەڕوان محەممەد، بەرپرسی ئۆفیسی هەولێری کۆمیسیۆنی هەڵبژاردن بە ئاڤا نیوزی گوت، "14 بەربژێری تورکمان و 6 بەربژێری کریستیان کێبڕکێ لەسەر بەدەستهێنانی دوو کورسی دەکەن".

 

زانیاریی زیاتر: جگە لە بەربژێری سەربەخۆ لە بازنەی هەولێر 13 حیزب و دوو هاوپەیمانی لیستی بەربژێرانیان پێشکەشی کۆمیسیۆن کردووە.