لە ناوچە كەم گەشەسەندووەكان لێخۆشبوون لە چەندین ڕسوومات كراوە

ئاڤا نیوز 

سەرۆکی دەستەی وەبەرهێنانی هەرێمی کوردستان ڕایگەیاند، بە فەرمانی سەرۆکوەزیران بارزانی لە ناوچە کەم گەشەسەندووەکان لێخۆشبوون لە چەندین ڕسومات کراوە.

وێنە گەورەکە: لە کابینەی نۆیەمی حکومەتی هەرێمی کوردستان لەپێناو بەرەو پێشبردنی پرۆسەی وەبەرهێنان و چاکسازی و کارئاسانی زیاتر، کۆمەڵێک هەنگاو و ڕێکاری  لە بەرژەوەندیی هاووڵاتیان گیراوەتەبەر.

لێدوانی فەرمی: محەممەد شوکری، سەرۆکی دەستەی وەبەرهێنانی  هەرێمی کوردستان بە ئاڤا نیوزی ڕاگەیاند: لەسەر فەرمانی  سەرۆکوەزیران، لێخۆشبوون لە چەندین ڕسومات کراوە بۆ ئەو کارگە و پرۆژانەی کە لە ناوچە کەم گەشەسەندووەکان دەکرێن.

لە لایەکی دیکەوە: بەرگەشت ئاکرەیی، گوتەبێژی دەستەی وەبەرهێنانی هەرێمی کوردستان بە ئاڤا نیوزی  ڕاگەیاند: نرخی خزمەتگوزاری لە هیچ پرۆژەیەکی ناوچە کەم گەشەسەندووەکان وەرناگیرێت، داوامان کردووە ناوچە کەم گەشەسەندووەکان لەسەر نەخشە دیاری بکرێت بۆ ئەوەی لەسەر نەخشە بە وەبەرهێنەرانی نیشان بدەین.

بۆچی گرنگە: ئەم ئاسانکاری و لێخۆشبوونانە وەک هاندان و پشتیوانییەکە بۆ پرۆژەکان و وەبەرهێنەران تاوەکو لە داهاتوو کار بۆ ناوچە کەم گەشەسەندووەکان بکەن.