ئەمریکا سزای نوێ بە سەر حوسییەکاندا دەسەپێنێت

ئاڤا نیوز

چوارچێوەی بەرنامەکانی ڕووبەڕووبوونەوەی تیرۆریزمدا، ئەمریکا سزای نوێی بە سەر ژمارەیەک کەس و دامەزراوەدا سەپاند کە پەیوەندییان لەگەل حووسییەکاندا هەبووە.

ڕاگەیێنراوی فەرمی: وەزارەتی گەنجینەی ئەمریکا لە ڕاگەیێنراوێکدا ئاماژەی بەوە کرد، سزاکان دەیان کەس و کەشتی دەگرێتەوە کە لە بەرژەوەندی حووسییەکان کاریان کردووە و ڕۆڵیان لە سپیکردنەوەی پارەدا هەبووە. 

زانیاریی زیاتر: لە ناو سزادراوەکاندا هەر یەکە لە سەعید جەمەل، یەکێک لە ئەندامانی تۆڕی دابینکردنی پشتیوانیی دارایی حووسییەکان، محەممەد رەسلان بن ئەحمەد هاوڵاتیی مالیزی-سەنگاپووریی دانیشتووی ئەندەنووسیا و ژوانگ لیانگ، هاووڵاتی چینی دانیشتووی چین هەن.

وێنە گەورەكە: لەوكاتەوەی شەڕی نێوان ئیسرائیل و حەماس لە حەوتی ئۆكتۆبەری ساڵی ڕابردووەوە دەستیپێكردووە، حووسییەكان لە دەریای سوور و دەریای عەرەب چەندین هێرشیان کردووەتە سەر کەشتییە بازرگانییەکان، ئەمریكا و بەریتانیاش چەندین جار بۆردوومانی پێگەكانی ئەو گرووپەیان كردووە.