لە چیای حەمرین هێرشکرایە سەر چەکدارانی داعش

ئاڤا نیوز

بەرەبەیانی ئەمڕۆ هەینی، فەرماندەیی ئۆپەراسیۆنە هاوبەشەکانی عێراق چەکدارانی داعشیان لەڕێگەی هێرشێکی ئاسمانییەوە لە چیای حەمرین كرده‌ ئامانج.

وێنە گەورەکە: وێڕای ئەوەی شکستی داعش لە عێراق ڕاگەیێنراوە و چەندجارێک بەرپرسان جەختیان لە نەهێشتنی مەترسی ئەو ڕێکخراوە کردووەتەوە، بەڵام لە بەشێکی ناوچەکان جموجوڵ و هێرشەکانیان بۆ سەر هێزە ئەمنییەکان ده‌ستپێكردووه‌ته‌وه‌.

ڕاگەیێنراوی فەرمی: فەرماندەیی ئۆپەراسیۆنە هاوبەشەکانی عێراق ڕایگەیاند: کاتژمێر 5:00ـی بەیانیی ئەمڕۆ هێزێک لە فەرماندەیی ئۆپراسیۆنە هاوبەشەکانی عێراق بە هەماهەنگیی دەزگای دژه‌ تیرۆر هێرشێکی چڕیان کرده‌ سەر مەفرەزەیەکی داعش لە سنووری نێوان فەرماندەیی ئۆپەراسیۆنەکانی کەرکووک و سەڵاحەددین.

باكگراوند: لە سەرەتای ساڵی 2024ەوە داعش لە عێراق 35 هێرشی ئەنجامداوە و لە سووریاش 153 هێرش.