پسپۆرێكی ڤێتەرنەری: حاڵەتەكانی پەلاماردانی سەگ زۆر زیاترن لەوەی بڵاودەكرێنەوە

ئاڤا نیوز  

پسپۆرێكی ڤێتەرنەری باس لە مەترسیی بڵاوبوونەوەی سەگە بێلانەكان لە شەقام و گەڕەكەكان دەكات و دەڵێت مەترسی  هەیە مرۆڤ تووشی چەندین جۆر نەخۆشی بكەن.

وێنە گەورەكە: لە زۆرینەی شار و شارۆچكەكانی هەرێمی كوردستان ژمارەیەك زۆر سەگی بێلانە هەن و ڕۆژانە تێكەڵی خەڵك دەبن و بەشێكیشیان پەلاماری مرۆڤ دەدەن.

لێدوانی فەرمی: سەعدی تەیب، بەڕێوەبەری ڤێتەرنەری ڕاپەڕین بە ئاڤا نیوزی گوت: بە هۆی بێخاوەنكردنیان و چاودێرینەكردنیان، زۆرێك لە سەگە بێلانەكان هەڵگری نەخۆشیی جۆراوجۆرن و مەترسییان بۆ سەر مرۆڤ هەیە و پێویستە وەك هەنگاوی سەرەتا پەناگەیان بۆ بكرێتەوە و پاشان بە وردی چاودێری بكرێن و چارەسەر بكرێن.

زانیاریی زیاتر: بەپێی گوتەی سەعدی تەیب، ژمارەی حاڵەتەكانی پەلاماردانی سەگ زۆر زیاترە لەوەی كە بە فەرمی بڵاو دەكرێنەوە، ئەویش بەهۆی كۆمەڵگەوە كەسانێك پێیان شەرمە ئاشكرای بكەن كە سەگ پەلاماری داون.