لە هەولێر یادی ڕۆژنامەنووسێکی گەورەی کورد دەكرێتەوە

ئاڤا نیوز 

 

دەزگای كولتووری یاد  یەكەمین یادی شاعیر و ڕۆژنامەنووس شاكر فەتاح دەكاتەوە.

 

وێنە گەورەكە: شاكر فەتاح، ڕۆژنامەنووس،  نووسەر و یاسا ناسێكی گەورەی كوردە، لە زۆر بواردا كاری جیاواز و گرنگی كردووە، لەلایەن ڕژێمی بەعسەوە شەهید كراوە و خەرمانێكی لە كولتوور، ئەدەب، زانیاریی و هونەر بۆ گەلی كورد بەجێهێشت.

 

ئەوەی ئێستا ڕوودەدات: لە هۆتێل شیراتۆنی هەولێر، دەزگای كولتووری یاد, یادی ئەم ڕۆشنبیر و ڕۆژنامەنووس و یاساناسەی كورد دەكاتەوە.

 

ئەمەش بزانە: لە  یادەكەدا وتار، دۆكۆمێنتاریی، پانێڵ و ڕێزلێنان، گوڵی وەفا پێشكەش دەكرێت.

 

باكگراوند: شاكر فەتاح لە بنەماڵەیەکی خوێندەوار پەروەردەکراوی کوردستانە، لە سەرەتای منداڵیدا چووەتە بەر خوێندن و حوجرەی فەقێیان، سەردەمی منداڵی لە گوندەکانی شارباژێڕ و شاری سلێمانی بەسەربردووە و خوێندنی سەرەتایی لەوێ تەواوکردووە، دواتر لە بەغدا خوێندنی دواناوەندی و کۆلێژی مافی تەواو دەکات.