یەکەی 70 بۆ  چارەسەرکردنی کێشەی مووچەی خانەنشینانی لەگەڵ وەزیری دارایی کۆدەبێتەوە

ئاڤا نیوز

یەکەی 70 لە هەوڵدایە بۆ چارەسەرکردنی کێشەی مووچەی خانەنشینانی و بۆ  ئەم مەبەستە ئەمڕۆ لەگەڵ وەزیری دارایی کۆدەبنەوە.

وێنە گەورەکە: پێنج ڕۆژە مووچەی دوو مانگی یەکەکانی 70 و 80 دابەش  کراوە، بەڵام بەشێک لە خانەنشینانی یەکەی 70 تەنیا یەک مووچەیان پێدراوە و ئەوکات  پێیانگوترا مووچەی مانگی شەش لەگەڵ مانگی حەوت بەیەکەوە لە مانگی داهاتوو وەردەگرن.


زانیاریی زیاتر: لە بانکەکان بە خانەنشینانی یەکەی 70 گوترا تەنیا چەکی بانکی یەک مانگیان هاتووە و ناتوانن مووچەی دوو مانگ دابەش بکەن.

لێدوانی فەرمی: سەرچاوەیەک لە هێزەکانی یەکەی 70 بە ئاڤا نیوزی گوت، ئەمڕۆ دووشەممە لەگەڵ ئاوات شێخ جەناب، وەزیری دارایی کۆدەبنەوە و کێشەی مووچەی خانەنشینان چارەسەر دەکرێت.