پێشبینیی فەلەکناسە لوبنانییەکە لەبارەی سەرۆکی داهاتووی ئەمریکا دێتە دی؟

ئاڤا نیوز 

لەیلا عەبدوللـەتیف، پێشبینیكاری به‌ناوبانگی لوبنانی - میسری، بەوە ناسراوە لە دەستپێکی ساڵ پێشبینی بۆ ڕووداوەکان دەکات و تاوەکو ئێستا بەشێکی زۆر لە پێشبینییەکانی هاتوونەتە دی، سەرەتای ئەمساڵیش پێشبینی بۆ هەڵبژاردنی ئەمریکا کردبوو.

وێنە گەورەکە: دوێنێ یەکشەممە جۆ بایدن، سەرۆکی ئەمریکا و بەربژێریی کۆمارییەکان لە کێبڕکێی هەڵبژاردنی سەرۆکایەتیی ئەمریکا کشایەوە، لە شوێنی ئەو کامالا هاریس کێبڕکێی دۆناڵد ترەمپ، بەربژێریی دیموکراتەکان دەکات.

لێدوانی فەرمی: لە سەرەتای ئەمساڵ لەیلا عەبدوللـەتیف لە بەرنامەی "حکایە" لەبارەی هەڵبژاردنەکانی ئەمریکا ڕایگەیاند: خانمێک دەسەڵاتی ئەمریکا دەگرێتە دەست و دەبێتە خانمی یەکەم و سەرۆکی جێگرەوە، ئەویش لە نێوان هاوژینی باراک ئۆباما، سەرۆکی پێشوو، یاخود کامالا هاریس، جێگری سەرۆکی ئێستا یەکێکیان دەبێت.

ئەوەی پێویستە بیزانیت: پێشتر زۆرێک لە پێشبینییەکان ئەو فەلەکناسە لوبنانییە هاتوونەتە دی، لەوانە باسی ئەوەی کردبوو " لە مانگەکانی سه‌ره‌تای ئەمساڵدا هەواڵی کەوتنە خوارەوەی فڕۆکەیەک هەموو جیهان داگیر دەکات و کەس لێی ڕزگار نابێت" ئەم پێشبینییەی هاتەدی و مانگی پێنج هێلیکۆپتەری ئیبراهیم ڕەئیسی، سەرۆککۆماری ئێران تێکشکا.

زانیاریی زیاتر: یەکێکی دیکە لە پێشبینییەکانی ئەوەبوو دۆناڵد ترەمپ ڕووبەڕووی ڕووداێکی خەمناک دەبێتەوە، ئەمەش ڕاست دەرچوو و ئەم مانگە هەوڵی کوشتنی  درا. هاوکات ئەوەشی گوتبوو کە فڕۆکەخانەکانی هەندێک وڵاتی جیهان گەشتە ئاسمانییەکان دەوستێت، هەینی ڕابردووش بەهۆی کێشەیەکی  تەکنیکی سەدان گەشتی ئاسمانی لە وڵاتانی ڕۆژئاوا بۆ ماوەیەک وەستان.

 

ئەمەش بزانە: لەیلا عەبدوللـەتیف پێشبینی هه‌ڵگیرسانی شه‌ڕ له‌ نێوان ڕوسیا و ئۆكرانیا، دووباره‌ گه‌ڕانه‌وه‌ی تاڵیبان بۆ دەسەڵات لە ئه‌فغانستان، مانه‌وه‌ی به‌شار ئه‌سه‌د له‌ ده‌سه‌ڵات و چەندان پێشبینی دیکەی کردبوو.