هاوپەیمانێتیی بزووتنەوەی ئیسلامی و نەوەی نوێ هەڵدەوەشێتەوە

ئاڤا نیوز

 

چەند ڕۆژێک بەر لە ئێستا نەوەی نوێ و  بزووتنەوەی ئیسلامیی کوردستان لە سنووری بازنەی هەڵەبجە هاوپەیمانێتییان بۆ هەڵبژاردنی پەرلەمانی کوردستان ڕاگەیاند و دوای چەند ڕۆژێک هەڵوەشایەوە.

 

لێدوانی فەرمی: سەلام کەریم، ئەندامی سەرکردایەتی و بەربژێری بزووتنەوەی ئیسلامیی کوردستان بۆ پەرلەمانی کوردستان بە ئاڤا نیوزی ڕاگەیاند: "پەیوەندی و لێكتێگەیشتنێكی باشمان لەگەڵ نەوەی نوێ هەیە، بە پشتبەستن بەو پەیوەندییە گفتوگۆمان کرد بۆ ئەوەی لە بازنەی هەڵەبجە پێكەوەبین، بەڵام دوای چەند ڕۆژێک بڕیاری هەڵوەشاندنەوەیماندا".

 

باکگراوند: بڕیارە لە 20ـی ئۆکتۆبەری ئەمساڵ، هەڵبژاردنی پەرلەمانی کوردستان بەڕێوەبچێت و سێ کورسی بۆ بازنەی هەڵەبجە تەرخان کراون.