ڕێکارەکانی ناردنی مووچەی مانگی حەوت دەستپێدەکەن

ئاڤا نیوز

هەفتەی داهاتوو وردبینیکردن بۆ لیستی مووچەی مانگی حەوتی مووچەخۆرانی هەرێمی کوردستان و ڕێکارەکانی ناردنی پارە دەستپێدەکەن.

وێنە گەورەکە: وەزارەتی دارایی عێراق 22ی هەموو مانگێک دەست بە پارەدارکردنی  بانکەکان دەکات بۆ دابەشکردنی مووچەی مووچەخۆرانی و چەند ڕۆژێک دەخایەنێت، دواتر ڕاستەوخۆ دەست بە ڕێکارەکانی ناردنی پارەی مووچەخۆرانی  هەرێمی  کوردستان  دەکات، بەڵام دوو مانگە ناردنی پارە بۆ هەرێمی کوردستان بۆ چوار و پێنجی مانگ دوادەکەوێت.

ئەوەی پێویستە بیزانیت: دوێنی یەکشەممە لیستی مووچەی مانگی حەوتی مووچەخۆرانی هەرێمی کوردستان ڕادەستی وەزارەتی دارایی عێراق کرا. هەندێک پێگە بڵاویان کردووەتەوە بەهۆی هەبوونی هەندێ کێشەکە لیستەکە پەسەند نەکراوە و گەڕێنراوەتەوە هەولێر، بەڵام سەرچاوەیەک لە وەزارەتی دارایی هەرێمی کوردستان بۆ ئاڤا نیوز هەواڵەکەی ڕەتکردەوە کە ڕاست بێت.

 

لێدوانی فەرمی: د.خەلیل دۆسکیی، ئەندامی ئەنجوومەنی نوێنەرانی عێراق بە ئاڤا نیوزی گوت، "دوای دابەشکردنی مووچە لە عێراق، پرۆسەی وردبینیکردن و ڕێکارەکانی ناردنی پارە لە هەفتەی داهاتووەوە دەستپێدەکەن".