کێشەی کەرتی هەشتی حەسارۆک بەیەکجاری چارەسەر دەکرێت

ئاڤا نیوز

سەرۆکی شارەوانی هەولێر ڕایگەیاند، لە 55% ی پڕۆژەکانی هەشتی حەسارۆک  تەواو بووە، بڕی 730 ملیار دینار  بۆ پڕۆژەکان تەرخان کراوە.

لێدوانی فەرمی: کارزان هادی، سەرۆکی شارەوانی هەولێر بە ئاڤا نیوزی ڕاگەیاند: ئێستا پرۆژەیەکی گەورە لە کەرتی هەشتی حەسارۆک  جێبەجێدەکرێت، بڕیار بوو لە %40 ی پڕۆژەکان تەواو بکرێت، بەڵام ئێستا ڕێژەکە بۆ 55 % بەرزکراوەتەوە، بۆ تەواوکردنی پڕۆژەکانی کەرتەکە بڕی 730 ملیار دیناری بۆ تەرخان کراوە. 

بۆچی گرنگە: کەرتەکە نزیکەی 17 هەزار پارچە زەوییە، ساڵانێکی زۆر خاوەن زەوییەکان داواکاریان هەبوو، بەڵام دواجار سەرۆکوەزیران بارزانی بڕیاریدا چارەسەری کێشەی زەوییەکانی هەشتی حەسارۆک بکات.  

باکگراوند: زەوییەکانی هەشتی حەسارۆک دەکەونە بەشی ڕۆژهەڵاتی شاری هەولێر لەڕێگەی کۆیە، دابەشی سەر چوار کەرتی (A, B, C, D) دەبن، ڕووبەری بەشی زۆری زەوییەکان 250 مەترە.