شوێنێک بۆ دیدەنیی ئەو منداڵانە تەرخان دەکرێت کە دایک و باوکیان جیابوونەتەوە

ئاڤا نیوز  

 

بڕیارە وەزارەتی داد بەهاوکاری دەزگای خێزخوازی بارزانی "ئارامگەی دیدەنی" وەک شوێنێک بۆ دیدەنی دایک یان باوک لەگەڵ منداڵەکانیان دروست بکات.

 

وێنە گەورەکە: لەماوەی ڕابردوودا دایکان و باوکان دوای جیابوونەوەیان، ئەگەر بیانویستایە منداڵەکانیان ببینن دەبوو لە فەرمانگەیەکی حکومی ئەو دیدارە ڕووبدات.

 

لێدوانی فەرمی: نەریمان تاڵب مۆریاسی وتەبێژی وەزارەتی داد بە ئاڤا نیوزی ڕاگەیاند: بڕیارە لەماوەی داهاتوودا لە پارکێکی هەولێر دەست بەدروستکردنی شوێنێکی شایستە بکرێت بۆ ئەو دایک و باوکانەی لێک جیابوونەتەوە و دەیانەوێت منداڵەکانیان ببینن، دواتر لە شارەکانی دیکەش ئەو پڕۆژەیە جێبەجێ دەکرێت.

 

بۆچی گرنگە: نەریمان تاڵب دەڵێت: دروستکردنی ئەم شوێنە دەبێتە شوێنێکی فەرمی و هەموو دایکان و باوکان دەتوانن منداڵەکانیان بەپێی بڕیاری دادگا ببین و ئەوە مافی هەردوولایە. 

 

ئەوەی پێویستە بیزانیت: پڕۆژەکە لەلایەن وەزارەتی داد سەرپەرشتی دەکرێت و دەزگای خێرخوازی بارزانی کەرەستە و پێداویستییەکانی بۆ دابین دەکات.