وەزیری دەرەوەی تورکیا: لەگەڵ سووریا ڕووبەڕووی تیرۆر دەبینەوە

ئاڤا نیوز

 

وەزیری دەرەوەی تورکیا ڕایدەگەیەنێت، لەگەڵ سووریا هاوکار دەبن بۆ ڕووبەڕووبوونەوەی تیرۆر و پاراستنی ئاسایشی ناوچە سنوورییەکان.

 

وێنە گەورەکە: هەردوو وڵاتی تورکیا و سووریا لە ماوەکانی ڕابردوو سەرجەم پێوەندییەکانیان پچڕاند و ئێستا دەیانەوێت پێوەندییەکانیان ئاسایی بکەنەوە.

 

لێدوانی فەرمی: هاکان فیدان، وەزیری دەرەوەی تورکیا دەڵێت: "هەنگاوگەلێک هەن کە دەبێت ئێمە بە هاوکاریی دەوڵەتی سووریا بیگرینەبەر، لەوانە پاراستنی ئاسایشی سنوورەکان، بەرەنگاربوونەوەی تیرۆر و گەڕاندنەوەی پەنابەران بە سەلامەتی بۆ زێدی خۆیان".

 

ئەمەش بزانە: سەرۆکی ڕووسیا دەیەوێت ببێتە نێوەندگیری ئاشتکردنەوەی هەردوو وڵاتی تورکیا و سووریا. بڕیار وایە مۆسکۆ لە مانگی ئابی داهاتوودا پێشوازی لە کۆبوونەوەی نێوان ڕەجەب تەیب ئەردۆغان، سەرۆککۆماری تورکیا و بەشار ئەسەد، سەرۆکی سووریا بکات.