یەکێک لە منداڵە ونبووەکانی ئیدارەی سەربەخۆی سۆران دۆزرایەوە

ئاڤا نیوز  

 

دوای 16 ڕۆژ لە ونبوونی، ئەمڕۆ تەرمی منداڵە ونبووەکەی هەولێر دۆزرایەوە، بەڵام تائێستا دەرنەهێراوە. 

 

چیرۆکی سەرەکی: ڕۆژی 07-07-2024 لە هاوینە هەواری بێخاڵ  لە سنووری قەزای ڕواندز منداڵێکی دوو ساڵان بە ناوی "دارین گەیلان" کە دانیشتووی شاری هەولێرە، لە سەرچاوەی ئاوی بێخاڵ کەوتە نێو ئاوەوە.

لێدوانی فەرمی: کاروان میراودەلی، بەڕێوەبەڕی بەرگریی شارستانیی سۆران بە هاوار محەممەد، پەیامنێری ئاڤا نیوزی گوت: "دوای 16 ڕۆژ گەڕان ئەمڕۆ سێشەممە 23-7-2024، تیمەکانی بەرگریی شارستانی تەرمی منداڵە دوو ساڵانەکەیان لە ئاوی بێخاڵ دۆزییەوە".

زانیاریی زیاتر: تەرمی مناڵەکە لە خەڵەندی ڕوواندز لەنێو ڕووبار بینراوە، بەڵام تاوەکو ئێستا دەرنەهێنراوە و دەگوترێت تاوەکو تیمەکان گەیشتوون دیسان ئاو بردوویەتی، تیمەکانیش سەرقاڵی گەڕان و بەدواداچوونن بۆ دووبارە دۆزینەوە و دەرهێنانی.

ئەمەش بزانە: جگە  لەم منداڵە، چارەنووسی منداڵێکی دیکەش لە سنووری سۆران نادیارە و 45 ڕۆژە ون بووە.