باڵۆنە پڕ زبڵەکانی کۆریای باکوور گەیشتنە سەرۆکایەتیی کۆریای باشوور

ئاڤا نیوز

شەڕی ساردی هەردوو کۆریا بەردەوامە، ئەمڕۆ باڵۆنە پڕ زبڵەکانی کۆریای باکوور گەیشتنە کۆشکی سەرۆکایەتیی کۆریای باشوور. 

 

وێنە گەورەکە: ماوەیەکە هەردوو کۆریا، باڵۆنی زبڵ و خاشاک بۆ ئاسمانی یەکدی ڕەوانە دەکەن، بەڵام ئەمە یەکەمجارە بارەگای سەرۆکایەتیی کۆریای باشوور لە ناوەڕاستی سیئۆل بکرێتە ئامانج لەلایەن باڵۆنەکانەوە.

 

لێدوانی فەرمی: دەزگای ئەمنیی سەرۆکایەتیی کۆریای باشوور ڕایگەیاند، "تیمی دەستوەردانی شەڕی کیمیایی و بایۆلۆجی و تیشکی، باڵۆنەکانیان دوورخستووەتەوە".

 

باکگراوند: دەیان ساڵە هەردوو کۆریا لەسەر سنوورەکان سەنگەریان لە یەک گرتووە و ئەم دوواییانەش گرژییەکان پەرەیان سەندووە. هاوکات هەردوو لا زبڵ و پڕوپاگەندە بۆ یەکدی دەنێرن.