كۆمیسیۆن وردبینی لە ناوی كاندیدەكان دەكات

ئاڤا نیوز

 

بەرپرسێكی كۆمیسیۆنی باڵای سەربەخۆی هەڵبژاردنەكان ئاشكرای دەكات كە ئێستا نووسینگەکانی كۆمیسیۆن سەرقاڵی وردبینیكردنی ناوی كاندیدەكانن.

 

وێنە گەورەكە: كۆمیسیۆنی باڵای سەربەخۆی هەڵبژاردنەكان، لەڕێگەی نووسینگەکانییەوە وردبینی لە ناوی ئەو كاندیدانە دەكات كە قبووڵ كراون بۆ هەڵبژاردنی پەرلەمانی كوردستان.

 

لێدوانی فەرمی: ئامانج عەزیز، بەرپرسی ئۆفیسی سلێمانیی كۆمیسیۆنی باڵای سەربەخۆی هەڵبژاردنەكان بە ئاڤا نیوزی گوت: یەكێک لە مەرجەكانی تۆماركردنی هەر كاندیدێک هەبوونی كارتی بایۆمەتریی دەنگدانە هەر كەسێک ئەو مەرجە یاخود مەرجەكانی دیكەی نەبێت، ناوی تۆمار ناكرێ و دووردەخرێتەوە.

 

زانیاریی زیاتر: دوای تەواوبوونی پرۆسەی وردبینیكردن، نووسینگەکانی كۆمیسیۆن، هەڵوێست دەدەنە نووسینگەی سەرەكی لە بەغدا و هەر كاندیدێک كێشەی لە مەرجەكان هەبێت، ئاماژەی پێدەدەن و دواجار ئەوان بڕیاری كۆتایی دەدەن.

 

ئەوەش بزانە: مەرجەكانی كۆمیسیۆن بۆ هەر تۆماركردنی ناوی كاندید بریتین لە كارتی بایۆمەتری هەبێت، لە سنووری بازنەی هەڵبژاردنەكە بێت، خەڵكی هەرێمی كوردستان بێت و تەمەنی لە سەرووی 20 ساڵ بێت.