ئەمریکا تەنها 90 ڕۆژ بۆ تیکتۆک دادەنێت

ئاڤا نیوز

جارێکی دیکە وەزارەتی دادی ئەمریکا داوای کرد، دەبێت تیکتۆک بفرۆشێت ئەگەرنا ڕووبەڕووی قەدەغەکردن دەبێتەوە.

وێنە گەورەکە: مشتومڕەکان لە ئەمریکا بۆ قەدەغەکردنی تیکتۆک بەردەوامە و لە تازەترین لێدواندا وەزارەتی داد داوا دەدات خاوەنداریەتی تیکتۆک لە چینەوە بگۆڕدرێت و کەسێکی دیکە بیکڕێت.

زانیاریی بەدەستهاتوو: پارێزەری کۆمپانیای تیکتۆک لە دادگەی فیدراڵی واشنتنن ڕایگەیاندووە ئەم بڕیارە مافی ئازادی قسەکردن لە خاوەن هەژمارەکان کەم دەکاتەوە.

ڕاگەیێنراوی فەرمی: وەزارەتی داد ڕایگەیاند: "بابەتی خاوەنداریەتییەکە پەیوەندی بە  بابەتی ئازادی ڕادەربڕینەوە نییە و ترسەکە بابەتی هەواڵگرییە، ئامانجی ئەم یاسایە دڵنیابوونە لەوەی گەنجان و بەساڵاچووان، هەموو کەسێک لە نێوانیاندا بتوانن بە شێوەیەکی سەلامەت پلاتفۆرمەکە بەکاربهێنن".