بنكەی ئەمریكا لە دێرەزوور بۆردوومان كرا

ئاڤا نیوز

شەوی ڕابردوو بنكەی سەربازی ئەمریكا لە ناو كێڵگەی گازی كۆنیكۆ لە دێرەزوور بەچەند مووشەكێك بۆردوومان كرا.

وێنە گەورەكە: لە 24 کاتژمێری ڕابردوودا ئەمە دووەم جارە بنكەی سەربازی ئەمریكا لە سووریا لە لایەن گرووپە چەكدارە عێراقییەكانەوە بە مووشەك بۆردوومان دەكرێت.

زانیاريی بەدەستهاتوو: بنكەی سەربازی ئەمریكا لە دێرەزور لە ناو كێڵگەی كۆنیكۆیە و چەند مووشەكێكی ئاڕاستە كراوە.

ئەمەش بزانە: بنكەكە بە تۆڕێكی بەرگریی ئاسمانی دژە مووشەك دەورە دراوە و تا ئێستا زیانە گیانی و ماددیەكان دیارنین.

ڕاگەیێنراوی فەرمی: مقاوەمەی ئیسلامی لە عێراق بەرپرسیاریەتی خۆی لە هێرشەكە ڕاگەیاندووە، دەڵێن "بەچوار مووشەك هێرشەكەمان كردووە بەردەوام دەبین لە هێرشەكانمان تا دوا سەربازی ئەمریكا لە خاكی عێراق دەكشێتەوە".

ئەو مانایەی دەیگەیەنێت: هێرشكردنە سەر بنكەكانی ئەمریكا لە عێراق و سووریا بەمانای ئەوە دێت گرووپە چەكدارەكان بە ڕێككەوتنی نوێی نێوان ئەمریكا و عێراق ڕازی نین.