بایدن پلانێکی نوێ بۆ سەرۆک و بەرپرسانی ئەمریکا دەداتە دادگەی باڵا

ئاڤا نیوز

سەرۆکی ئەمریکا بەنیازە پلانێکی چاکسازی ڕیشەیی بخاتە بەردەم دادگەی باڵای ئەمریکا، کە بریتییە لە هەموارکردنەوەی دەستوور سەبارەت بە پارێزبەندی سەرۆک و بەرپرسان.

وێنە گەورەکە: ڕۆژنامەی "پۆلیتیکۆ"ی ئەمریکی ئاشکرایکرد، سەرۆکی ئەمریکا پلانەکەی ڕۆژی دووشەممە لە ویلایەتی تەکساس ڕادەگەیێنێت.

ئەوەی پێویستە بیزانیت: دوو سەرچاوە بە ڕۆژنامەی "پۆلیتیکۆ" یان گووتووە:" تا ئێستا وردەکاری پلانەکە ڕوون نییە و ڕەنگە گۆڕانکاری بەسەردا بێت".

ئەوەی پێشبینی دەکرێت: چاوەڕوان دەکرێت بایدن داوای هەموارکردنەوەی دەستوور بکات بۆ سنووردارکردنی پارێزبەندی سەرۆکەکان و هەندێک لە خاوەن پۆستەکانی دیکە.