لە دهۆک سەرمایەدارێک كورسی خوێندن بە خۆڕایی بۆ كەمدەرامەتان دابیندەكات

ئاڤا نیوز

سەرمایەدارێکی پارێزگای دهۆک ژمارەیەک کورسی خوێندن لە زانکۆی ئەمریکی دهۆک بۆ قوتابیانی کەمدەرامەت دابیندەکات.

وێنە گەورەکە: بەناز دۆسکی، سەرمایەدارێکی پارێزگای دهۆکە و کرێی پێنج کورسی خوێندنی لە کۆلێژی ئەندازیاری دابینکردووە بۆ ئەو کەسانەی کە کەمدەرامەتن و خولیایان هەیە لە زانکۆکە بخوێنن.

ئەوەی پێویستە بیزانیت: هەر کەسێک کە مەرجەکانی زانکۆکەی تێدایە لەو بەشە دەتوانێت فۆڕم پڕبکاتەوە و بەشداری بکات.

لێدوانی فەرمی: هەڵمەت کێستەیی، گوتەبێژی زانکۆی ئەمریکی کوردستان لە دهۆک بە ئاڤا نیوزی گوت:" ساڵانە ئەم دەرفەتە لە زانکۆکەمان هەیە و ئامانجمان خزمەتکردنی خەڵکی کوردستانە و هەر سەرمایەدارێکیش بتوانێت پارە تەرخانبکات بۆ خوێندن قبوڵی دەکەن و پێشکەشی خوازیارانیان دەکەن".

باکگراوند: زانکۆی ئەمریکی لە دهۆک یەکێکە لە زانکۆ پێشکەوتووەکانی کوردستان و ساڵانە هەزاران قوتابی تێیدا درێژە بە خوێندن دەدەن.