هەرێمی كوردستان و ئەمریكا لە بوارەكانی كشتوكاڵ و ئاو هەماهەنگی دەكەن

ئاڤا نیوز  

شاندێکی هەرێمی کوردستان بە سەردانێک لە ئەمریکان و لەگەڵ بەرپرسانی وەزارەتی دەرەوەی وڵاتەکە تاوتوێی چەند پرسێک  دەکەن.

وێنە گەورەکە: شاندێکی هەرێمی کوردستان، بە سەرپەرشتیی بێگەرد تاڵەبانی، وەزیری کشتوکاڵ و سەرچاوەکانی ئاو، ماوەی چەند ڕۆژێکە لە ئەمریکان و لە گفتوگۆ و دیدارەکانیان لەگەڵ لایەنی پەیوەندیدار و بەرپرسانی وڵاتەکە بەردەوامن.

 

ئەوەی پێویستە بیزانیت: لە كۆبوونەوەی نێوان شاندی هەرێمی كوردستان و ئەمریكا باس لە پرسی ئاوی عێراق و سووریا و ژینگەكراوە.

ڕاگەیێنراوی فەرمی: وەزارەتی کشتوکاڵ و سەرچاوەکانی ئاوی حکومەتی هەرێمی کوردستان، شاندەکە لەگەڵ بەرپرس و راوێژکاری بەشی عێراق لە وەزارەتی دەرەوەی ئەمریکا و راوێژکاری بەشەکە و  بەرپرسی دۆسیەی ئاوی عێراق و سووریا و بەرپرسی دۆسیەی ژینگە کۆبووەتەوە و تاوتوێی چەند پرسێکیان کردووە.

زانیاریی زیاتر: لە دیدارەکەدا باس لە هەماهەنگی و پەرەپێدانی پەیوەندییەکانی نێوان هەرێمی کوردستان و  ئەمریکا کرا، بە تایبەتی لەسەر پرسی گەشەپێدانی سێکتەری کشتوکاڵی و کاریگەریی گۆرانکارییەکانی کەشوهەوا لە سەر کشتوکاڵ و بابەتی دروستکردنی بەنداوەکان و پڕۆژەکانی پۆندسازی و پڕۆژەکانی ئاودێری و سوودوەرگرتن لە سەرچاوەکانی ئاو و چارەسەرکردنی کێشەی ستراتیژیی بەڕێوەبردنی دۆسیەی ئاو.