کەشناسی لەبارەی زیادبوونی تەمومژ هۆشداریی دەداتە شۆفێران

ئاڤا نیوز

بەهۆی زیادبوونی تەمومژ و کەمبوونەوەی ئاستی بینین بۆ 200 مەتر لە شاری هەولێر، کەشناسی هۆشداریی دەداتە شۆفێران بۆ کاری زۆر پێویست نەبێت شۆفێری نەکەن. 

چیرۆکی سەرەکی: لەئێوارەی ئەمڕۆوە شەپۆلێکی چڕی تەمومژی بەشێک لەشارەکانی هەرێمی کوردستانی گرتووەتەوە، بەشێوەیەک ئاستی بینین لە شاری هەولێر 200 مەتر کەمبووەتەوە ئەمەش کاریگەری دروستکردووە لەسەر هاتووچۆی ئۆتۆمبێل و وەستانی گەشتە ئاسمانییەکانی فڕۆکەخانەی هەولێر.

ڕاگەیێنراوی فەرمی: بەشی پێشبینی لە بەڕێوەبەرایەتیى گشتیى کەشناسی و بومەلەرزەزانى بڵاوی کردووەتەوە، کاریگەریی ئەو تەمومژە تا سبەی بەیانی دەمینێتەوە، هۆشداریش دەدات بە شۆفێران کە بۆ کاری زۆر پێویست نەبێت شۆفێری نەکەن. 

مەودای بینین لەسەر ناوچە جیاجیاکانی هەرێمی کوردستان بەم شێوەیەی خوارەوە دەبێت:

هەولێر 200 مەتر

 پیرمام 10 کیلۆمەتر

 شەمامک 100 مەتر

 دهۆک 7 کیلۆمەتر

 زاخۆ 6 کیلۆمەتر

 سلێمانی 10 کیلۆمەتر

 چەمچەمال 10 کیلۆمەتر

زانیاریی زیاتر: هەر بەپێی پشبینی کەشناسی هەرێمی کوردستان، بۆ سبەی سێشەممە پێشبینی هاتنی بەفربارین و بارانبارین بۆ سەر زۆربەی ناوچە شاخاوییەکان هەرێمی کوردستان، بەتایبەتی ناوچە شاخاوییە سنوورییەکان دەکرێت.

لە لایەکی دیکەوە: شێخ دارا، شارەزای کەشوهەوا و پێشکەشکاری ئاڤا ڕاگەیاند:  سبەینیش بەشێوەی پچڕ پچڕ لە چەند ناوچەیەکی هەرێمی کوردستان بارانبارین بەردەوام دەبێت و چڕی تەمومژ لەناوچەشاخاوییەکان زیاتر دەبێت لەبەر ئەوەی پێوستە شۆفێران پابەندی ڕێنماییەکانی هاتووچۆبن.