تەمێکی چڕ هەولێری داپۆشیوە و پێشبینی بارانبارین دەکرێت

ئاڤا نیوز

بەهۆی نزمبوونەوەی پلەی گەرما تەمێكی چڕ هەولێری داپۆشیوە تاوەکو سبەی نیوەڕۆ بەردوام دەبێت، هاوکات پێشبینی دەکرێت لە چەند ناوچەیەکی هەرێمی کوردستان بەفر و باران ببارێت. 

چیرۆکی سەرەکی: ئێوارەی ئەمڕۆ تەمێکی چڕ سەنتەری شاری هەولێری گرتووەتەوە و تاوەکو سبەی کاتژمێر 10ی بەیانیی بەردەوام دەبێت، پێشبینیش دەکرێت ئەمشەو کاریگەریی زیاتر بێت و مەودای بینین بۆ کەمتر لە یەک کیلۆمەتر کەمبکرێتەوە.  

زانیاریی زیاتر: مەودای بینین لە سەنتەری شاری دهۆک حەوت کیلۆمەترە، سبەى ئاسمانی هەرێمی کوردستان بەگشتیی هەور دەبێت، لە هەولێر و دهۆک نمەباران دەبێت، بەفر لەزۆربەی ناوچە شاخاوییەکان دەبارێت.

ڕاگەیێنراوی فەرمی: ‎بەڕێوەبەرایەتیی گشتیی کەشناسی و بومەلەرزەزانی هەرێمی کوردستان بڵاویکردووەتەوە، سبەى سێشەممە 16-12-2025 لەناوچە جیاجیاکانی سنووری پارێزگای دهۆک باران بەشێوەی نمە دەبارێت، دواتر ئەم کاریگەرییە درێژ دەبێتەوە بۆ ناوچە شاخاوییەکانی ئیدارەی سەربەخۆی سۆران و پارێزگای هەولێر، ئەگەری نمە بارانێکی کەم هەیە لە سەنتەری شاری هەولێر، بەفر لەزۆربەی ناوچە شاخاوییەکان دەبارێت، بەتایبەتی لە ناوچە سنوورییەکان.

- پلەکانی گەرما زیاتر لە سێ پلە نزم دەبێتەوە، لەناوچە سنووریەکان بۆ سفری سیلیزی دادەبەزێت، بۆ درەنگانی شەو کەش سەقامگیر دەبێتەوە.