ئیسرائیل بۆ یەکەمجار زیرەکیی دەستکرد لە شەڕی غەززە بەکاردەهێنێت

ئاڤا نیوز

سوپای ئیسرائیل بۆ یەکەمجار چەند تەکنەلۆژیایەکی زیرەکیی دەستکرد لە شەڕی غەززە دژی حەماس بەکاردەهێننێت. یەکێکیان درۆنی حەماس تێکدەشکێنێت و نەخشەی تۆڕی توونێلەکان دەکێشێتەوە.

چیرۆکی سەرەکی: لە سەرەتای شەڕی غەززە ئیسرائیل ئامێرێکی یاریدەری بینینی بەکارهێنا کە کۆمپانیای ستارتەپ شووتەر-ی ئیسرائیلی دروستی کردبوو. ئەم ئامێرە لە چاوێک دەبەسترێت و لەڕێگەیەوە دەتوانرێت درۆن ببینرێت. ئەم تەکنەلۆژیایە وا دەکات هەموو سەربازێکی ئاسایی وەک سێرە (قەناس) کار بکات. ئێستاش تەکنەلۆجیای تری خستووەتە کار.

لێدوانی فەرمی: ئاڤی خەسان، بەڕێوەبەری گشتیی کۆمپانیای ستارتەپ نەیشن سێنتراڵ دەڵێت: شەڕی غەززە بەگشتی هەڕەشەیە، بەڵام لە هەردوو بواری شەڕ و نەخۆشخانەدا هەلی تاقیکردنەوەی تەکنەلۆژیای نوێمان پێدەدات. ئەو تەکنەلۆژیایانەی لەم شەڕەدا بەکارهێنراون، پێشتر بەکارنەهێنراون.

زانیاری زیاتر: یەکێک لە سیستمەکانی دیکە جۆرە درۆنێکە کە درۆنەکانی دیکە تێکدەشکێنێت. بەرپرسێکی بەرگریی ئیسرائیل لەمبارەیەوە دەڵێت: بەمجۆرە درۆنە دەڵێین باڵندە تووڕەکان.

ئەمەش بزانە: ئیسرائیل بۆ ئەوەی نەخشەی تونێلەکانی دەستبکەوێت، جۆرە درۆنێکی بەکارهێناوە دەتوانێت مرۆڤ ببینێت. بەرپرسەکەی ئیسرائیل دەڵێت پێش شەڕەکە ئەو تەکنەلۆژیایە کێشەی ناردنەوەی وێنەی هەبوو بۆ سەر زەوی. ئاماژەی بەوەش نەکردووە ئێستا کێشەکە چارەسەر کراوە یان نا.