شەش كەس بە تۆمەتی هاوكاریكردنی کچە هەڵاتووەکەی سلێمانی دەستگیر كران

ئاڤا نیوز  

ئاسایشی سلێمانی شەش كەسی بە تۆمەتی هاوكاریكردنی كچە هەڵاتووەكەی چاكسازی ژنان و منداڵانی سلێمانی دەستگیركردووە.

چیرۆكی سەرەكی: دوانیوەڕۆی دوێنێ یەکشەممە لە چاکسازی ژنان و منداڵانی سلێمانی کچێکی تەمەن 16 ساڵ ڕایکرد، دەستبەجێ لیژنەیەکی لێکۆڵینەوە پێکهێنرا و ئەمڕۆ دەستگیر كرایەوە.

ڕاگەیێنراوی فەرمی: بەڕێوەبەرایەتیی ئاسایشی سلێمانی ڕایگەیاند: جگە لە دەستگیركردنەوەی كچە هەڵاتووەكە، شەش كەسی دیكەش بە تۆمەتی هاوكاریكردن و حەشاردان و گواستنەوەی تۆمەتبارەكە دەستگیر كراون.

لە لایەكی دیكەوە: کوێستان محەممەد، وەزیری کار و کاروباری کۆمەڵایەتیی حکومەتی هەرێمی کوردستان بە ئاڤا نیوزی گوت: كچە هەڵاتووەكە لەلایەن مەفرەزەکانی چاکسازیی ژنان و منداڵانی سلێمانییەوە لە هەواری شار دەستگیر کراوەتەوە.