لیژنەی باڵای هاوبەشی هەولێر و بەغدا لە بارەی داخستنی کەمپەکان کۆدەبنەوە

ئاڤا نیوز

کاری لیژنە هاوبەشەکەی هەولێر و بەغدا بەبەشداری نەتەوە یەکگرتووەکان لەبارەی پرسی کەمپەکانەوە دەستپێدەکات، ئەوەش لە کاتێکدایە ئاوارەکانی هەرێمی کوردستان لە 18 کەمپی هەرێمی کوردستان ماون.

وێنە گەورەکە: بەگوێرەی بڕیاری وەزارەتی کۆچ و کۆچبەرانی عێراق، پێویستە سبەی سێشەممە سەرجەم کەمپی ئاوارەکان لە هەرێمی کوردستان دابخرێن، بەڵام هەماهەنگی لەنێوان وەزارەتی ناوخۆی هەرێمی کوردستان و کۆچ و کۆچبەرانی عێراق بۆ چارەسەری کێشەی ئاوارەکان هەیە.

لێدوانی فەرمی: عەلی سەعید، بەڕێوەبەری داتا و زانیاری لە ناوەندی هەماهەنگی و قەیرانەکان لە وەزارەتی ناوخۆ بە ئاڤا نیوزی گوت: "کۆبوونەوە تەکنیکییەکان دەستیان پێکردووە، یەکەم کۆبوونەوەی لیژنەی باڵای هاوبەش لەنێوان هەردوولا بە بەشداری نەتەوە یەکگرتووەکان دەکرێت."

زانیاریی زیاتر: تاوەکو ئێستا هیچ وادەیەک بۆ کۆتایی هاتنی پڕۆسەی داخستنی کەمپەکان دیارینەکراوە، لە کۆبوونەوەی لیژنەی باڵای هاوبەش بڕیاری لێدەدرێت.