چوارچێوەی هەماهەنگی داوا دەکات یاسای باری کەسیی هەموار بکرێت

ئاڤا نیوز 

چوارچێوەی هەماهەنگی داوا دەکات خوێندنەوەی یەکەم بۆ هەمواری یاسای باری کەسیی بکرێت، دەڵێت لەگەڵ دەستووری عێراق ناکۆک نییە.

وێنە گەورەکە: پرسی هەموارکردنەوەی یاسای باری کەسیی لە عێراق ناکۆکی و مشتومڕی زۆری بەدوای خۆیدا هێناوە و چوارچێوەی هەماهەنگی بە فەرمی پشتگیری خۆی بۆ هەموارکردنەوەکە دەربڕی.

ڕاگەیێنراوی فەرمی: هاوپەیمانیی چوارچێوەی هەماهەنگی داوای لە پەرلەمانی عێراق کرد خوێندنەوەی یەکەم بۆ یاسای باری کەسی بکات و ڕایگەیاند: پڕۆژە یاساکە ئەو بابەتانە ڕێکدەخات کە پەیوەستن بە پێگەی تایبەتی هەر مەزهەبێک یان ئایینێک.

زانیاریی زیاتر: هاوپەیمانێتیەکە دەشڵێت: هەموارەکە هەماهەنگە لەگەڵ دەستووری عێراق.

ئەوەی پێویستە بیزانیت: بڕیار بوو هەفتەی ڕابردوو خوێندنەوەی یەکەم بۆ هەمواری یاسای باری کەسیی بکرێت، بەڵام بەهۆی ناکۆکی پەرلەمانتاران پرسەکە بۆ کاتێکی نادیار دواخرا.