ترەمپ: ڕێوڕەسمی کردنەوەی ئۆڵمپیادی پاریس ئابڕووچوون بوو

ئاڤا نیوز

دۆناڵد ترەمپ، سەرۆکی پێشوو و بەربژێری کۆمارییەکان بۆ سەرۆکایەتیی ئەمریکا چووە ڕیزی ئەو کەسانەوە کە ڕەخنە لە ڕێوڕەسمەکانی کردنەوەی ئۆڵمپیادی پاریس دەگرن. 

وێنە گەورەکە: لە بەشێک لە ڕێوڕەسمی کردنەوەی ئۆڵمپیادی پاریسدا نمایشێک ئەنجام درا کە بە 'بێڕێزیکردن' بە دوایەمین خوانی عیسای مەسیح لێکدرایەوە بەوەی کەسانی ناشایستە ڕۆڵی عیسای مەسیح و هاوەڵەکانیان دەبینی. 

لێدوانی فەرمی: ترەمپ ڕایگەیاند "من کەسێکی مێشک کراوەم، بەڵام پێموایە ئەوەی ئەوان ئەنجامیان دا ئابڕووچوون بوو."

ئەوەی پێویستە بیزانیت: زۆر کەس و لایەن، بە تایبەتیش کریستیانەکان، لە سەر ئاستی جیهان ڕەخنەیان لەم نمایشە گرتووە.